काराबाओ कप फुटबलय् वेष्ट ह्यामं, चेल्सी, आर्सनल व टोटनह्याम त्यात
ञलाथ्व द्धितीया ११४१, असोज ७ विहीबाः
काराबाओ कप फुटबल धेंधेंबल्लाय् वेष्ट ह्याम युनाईटेडलिसे बुइधुंका म्यान्चेस्टर युनाइटेड पिहाँवंगु दु ।
वंगु चान्हय् म्यान्चेस्टर युनाईटेडया मैदानय् जूगु ३गूगु चरणया कासाय् पाहाँ टोली वेष्ट ह्याम १गू÷० या गोल अन्तरं त्यागु दु । वेष्ट ह्यामया लान्जीनीं ९गूगु मिनेटय् याःगु गोल हे कासाया निर्णायक गोल जुल ।
काराबाओ कपया हे मेगु कासाय् एस्टन भिल्लायात पेनाल्टी शुट आउटय् बुका चेल्सी नं राउण्ड अफ सिक्सटिनय् थ्यंगु दु । क्वजिनातःगु ईलय् १गू–१गू गोलया ज्वलिन्ज्वःलय् दिइधुंका टाइ ब्रेकरय् चेल्सी ४गू–३गूया गोल अन्तरं त्यागु खः ।
अथेहे वुल्भरह्याम्पटन वान्डरर्सयात पेनाल्टी शुट आउटय् ३गू–२गूया गोल अन्तरं बुका टोटनह्याम हट्सपर नं धेंधेंबल्लाया ४गूगु चरणय् थ्यंगु दु ।
वंगु चान्हय्सिया मेगु कासाय् आर्सनलं विम्बल्डनयात ३गू–०या गोल अन्तरं बुकुबलय् लेष्टर सिटीं मिल्वालयात २गू–०या गोल अन्तरं त्याकुगु दु ।
Categorized in कासा
