कालीमाटीइ च्वपि दक्को प्रहरी क्वारेन्टाइनय्
लहनान्युज | बछलागा त्रयोदशी ११४०,जेष्ठ ७ बुधवाः
येँया महानगरीय प्रहरी वृत्त, कालीमाटीइ च्वपि निम्ह प्रहरी अधिकृतयात कोरोना संक्रमण खने दुगुलि अन च्वपि १५०म्ह प्रहरीयात क्वारेन्टाइनय् तःगु दु ।
महानगरीय प्रहरी वृत्त, कालिमाटी, कालीमाटी महिला सेल, ट्राफिक प्रहरी प्रभाग, मातहता बल्खु, कलंकी व स्यूचाटारयापिं प्रहरीयात न क्वारेन्टाइनय् तःगु दु ।
अन दक्को प्रहरी अधिकृत क्वारेन्टाइनय् तःगुलि महानगरीय प्रहरी कार्यालय, रानीपोखरीपाखे मेगु पुचः कालिमाटी छ्वःगु दु । आ अन प्रहरी कार्यालयय् न सिल याःगु दु ।
म्हिगः मंगलवाः बहनि इमित कोरोना संक्रमण पुष्टि जुगु खः ।
