विसं २०७२ सालया तःभुखाचं पाताः जुइकु दुंगु ऐतिहासिक सम्पदा मरुसतः अर्थात काष्ठमण्डप पुनर्निर्माणया ज्या क्वचाःगु दु ।

उगु सम्पदा येँ महानगरपालिकाया ११त्या क्वःति तका ग्वहालिइ स्थानीय उपभोक्ता समितिमार्फत् दयेकूगु खः । वइगु माघ २ गते भुखाय् दिवसया दिनय् उलेज्याया तयारी जुयाच्वंगु काष्ठमण्डप पुनर्निर्माण समितिया नायः राजेश शाक्यं जानकारी बियादिल ।

विसं २०७५ वैशाख १६ गतेनिसें पुनर्निर्माणया ज्या न्ह्याःगु खः । मरुसतः पुनर्निर्माणया लागिं तराईया ६ जिल्लां हःगु साःया सिँ छ्यःगु खः ।

नायः शाक्ययाकथं मरुसतः पुनर्निर्माणय् बारा, पर्सा, महोत्तरी, रौतहट, कञ्चनपुर व चितवनं हःगु साःया सिँ छ्यःगु दु । पुनर्निर्माणया झ्वलय् मरुसतलय् सिँबाहेक ल्वहँ, चा, अप्पालिसेंया ज्वलंत छ्यःगु दु ।

Categorized in राष्ट्रिय