किपूया ऐतिहासिक देय् पःखाः (गःपःखाः) पुनः निर्माणया किपू नगरपालिका नापं किपूमिपिन्सं याइगु जूगु दु । पृथ्वी नारायाण शाह निक्वः तक बांमलाक्क पराजय जूगु कारण देय् पखालं दुहां वये मफया खःसा उगु हे देय् पःखाःयात पुनः निर्माण यायेगु नितिं माःगु कथं कुतः जुयाच्वंगु खः । मल्लकालय् दयेकातःगु थ्यंमथ्यं ४ फिट ब्या दुगु किपू देय् चाःहिइक दयेकातःगु देय् पःखाः खः ।

देय् पःखाः ऐतिहासिक नापं पर्यटनया दृष्टिकोणं तकं तसकं महत्वपूर्णगु जुइ धकाः किपूमतय्सं थुइका वयाच्वंगु दु । देय् पःखाः नाप नापं दुगु ध्वाखा मदयाच्वंगु थासय् दयेकेगु व ध्वखा नाप नापं आः हे दयेके फइगु थासय् देय् पःखाः नं दयेका वनेमाः धकाः किपूया थीथी ख्यःया ब्यक्तित्वपिं नापं जनप्रतिनिधितय्सं धायेगु याना वयाच्वंगु दु । 

Categorized in राष्ट्रिय