किपुलिइ २४क्वःगु मानवाधिकार दिवस हन
लहनान्यूज | सिल्लाथ्व एकादशि ११३७ (फेब्रुअरी ७ २०१७)
नेपाल मानव अधिकार संगठन किपू कचां किपुलिइ छगू ज्याझ्वः यासें २४क्वःगु मानव अधिकार दिवस हंगु दु।
नुगः खँ तयेगु झ्वलय् ज्याझ्वःया मूपाहां नेपाल मानव अधिकार संगठनया केन्द्रिय नायः ईन्द्र अर्यालं संगठनया किपू कचां दक्कले बांलाक्क ज्या यानाच्वंगु धकाः च्वछानादिल । नायः अर्यालं त्वाः देवाय् मतः च्याकाः ज्याझ्वःया उलेज्या यानादीगु खः ।
ज्याझ्वलय् नेवाः पत्रकार राष्ट्रिय दबूया केन्द्रिय नायः श्रीकृष्ण महर्जन, सगठनया केन्द्रिय मू छ्यान्जे महामुनि आचार्य, किपू कचाया संस्थापक नायः बाबुराम महर्जन, पूर्व नायः नन्दकुमारी महर्जन, निवर्तमान नायः नानीशोभा महर्जन, व नजरराम महर्जनं थःथःगु नुगः खँ तयादीगु खः ।
ज्याझ्वः किपू कचाया नायः रचना श्रेष्ठया सभाध्यक्षताय् जूगु खः ।
Categorized in राष्ट्रिय
