किर्तिपुर महोत्सव जुइगु
नृपेन्द्रलाल श्रेष्ठ | सिल्लाथ्व सप्तमी ११४०
किर्तिपुर नगरपालिकाया ग्वसालय् किपूया थीथी थाय् म्हसिकेगु कथं थ्व हे वइगु २०७७ बैसाख १६ निसे २० गते तक किर्तिपुर महोत्सव जुइगु दु ।
किर्तिपुर नगरपालिकां ग्वसाः ग्वःगुु पत्रकार सम्मेलनय् मेयर रमेश महर्जन जानकारी बियादिगु खः ।
मेयर महर्जनं स्थानिय खलः पुचः नाप ल्याय्म्ह व मिसा पुचःया सक्रियताय् किपूया मूर्त व अमूर्त कला कीर्ति व सम्पदा म्हसिकेगु, स्थानीय उत्पादन राष्ट्रिय,अन्तराष्ट्रिय ख्यलय् यंकेत ग्वाहालि जुइगु कथं महोत्सव जुइ धका मेयर महर्जन जानकारी बियादिगु खः ।
महोत्सवया आकर्षण नेवाः नँसा त्वँसा,लाखे प्याखँ, गथु प्याँख, देवी प्याँख चर्या प्याखँ, किपू म्हसिकेगु किपा ब्बज्या, हस्तकला, किपूया सम्वन्धि चिहाकःगु संकिपा व डक्युमेन्टी ब्वज्या, पुलांगु हतियार ब्बज्या व बागमती प्रदेश स्तरीय निन्हु लोकबाजं ब्वज्या जुइ धका मेयर महर्जन पत्रकार सम्मेलनय् जानकारी बियादिगु खः ।
