२०७८ कार्तिक १०, बुधबार

कुलमानया विदाईया दिं कुन्हु

स्वपु चिनाखँ
 
शाक्य सुरेन
 
कुलमान घिसिङजु,
छिं हयादीगु व तुयू जः
थ्व सरकारं 
कःमघाः ।
नेपाःमिया नुगःया लुमु
लय्ता जःया गुगु पुसा खः,
व नं
थ्व सरकारं
कःमघाः ।
जब जःया पुसा हे न्ह्यनीमखु,
थ्व सरकारय्,
ख्युं न्हनीगु कल्पना
थन (
जिं गथे याय्फइ, सरकार ?
 
राष्ट्र निर्माण
लिम्पियाधुरां
न्ह्यलं चाय्काबिल
झीसं ला
जग हे मस्वंसे
थःगु छेँया तँ स्वनेगु
ज्या यानाच्वना ।
 
न्हूगु वसः
वसः सुइत मखु,
वसः पर्केत परिपक्व
थनया कूटनीति ।
झ्याजःदंगु थ्व वसः
थुगुसी नं 
पर्का हे फीतिनि ।।
जिगु मतिनां
स्वांया लहरा जुयाः
दः मालाच्वन