२०८० चैत्र १५, बिहिबार

कुवेतय् नेपालं स्वंगु कासा म्हितिइगु

लहानान्युज | कछलागा पञ्चमी ११४१, जेठ १७ सोमबाः

सन् २०२२ य् कतारय् जुइगु विश्वकप व २०२३ य् चीनय् जुइगु एसिया कपया संयुक्त छनोटअन्तर्गत निगूगु वःया ल्यंदनिगु कासा म्हितेत नेपाली फुटबल टोली कुवेत थ्यंगु दु ।

इराकलिसें मैत्रूपूर्ण कासा म्हिता म्हिगः चान्हे हे कुवेत थ्यंगु खः । कुवेतय् पुचः बीया ल्यं दनिगु कासा जुइत्यंगु खः । नेपालं नं ल्यंदनिगु स्वंगु कासाय् कुवेतय् हे क्वचायेकिइ ।

शनिबाः इराकविरुद्धया मैत्रीपूर्ण कासाय् नेपाल ६२ गोल अन्तरं बुइमाःगु खः । कुवेत व इराकया मौसम अथेहे जूगुलिं नेपाःयात इराकय् म्हितुबलये छुं फाइदा जुईगु खनेदु । नेपालं आः जेठ २० गते चाइनिज ताईपेई, जेठ २४ गते जोर्डन व जेठ २८ गते अष्ट्रेलियालिसे म्हितिगु धलः दु ।

नेपालं थ्वयां न्ह्यः अवे लेगया कासा स्वंगू टिमलिसे म्हितेधुंकूगु दु । अथेले आःया दक्वः नेपालं घरेलु मैदानय् म्हितेमाःगु खः । तर कोरोना महामारीं उगु ह्वःता चूमलाःगु खः ।

Categorized in कासा