केएल राहुल इण्डियन प्रिमियर लिगय न्हुगु किर्तिमान
मनिष | अनलाथ्व नवमी ११४०,असोज ९ शुक्रवाः
केएल राहुल इण्डियन प्रिमियर लिग (आईपीएल) य् छगु पारीइ दकलय् अप्वो रन दयेकुम्ह न्हापाम्ह भारतीय कासामि जूगु दु। किङ्स इलाभेन पञ्जाबया कप्तान राहुलं छगु हे पारीइ दकलय् अप्वो १३२ रन दयकुगु खः।
विकेट किपर ब्याट्सम्यान राहुलं १३ गु संस्करण आईपीएलय् विराट कोहलीया कप्तानीइ रोयल च्यालेन्जर्स बैंग्लोरविरुद्ध थ्व न्हुगु रेकर्ड दयेकुगु खः । थ्व नाप राहुल थ्व स्वया न्ह्य हे ऋसभ
पन्तया नामय् दुगु कीर्तिमान आः थःगु नामय् तयेत ताःलागु खः।
पन्जाबया लागि ओपनिङ ब्याटिङ याम्ह राहुलं ६९ बलय् १४ चौका व ७ छक्काया ग्वाहालि १३२ रनया शतकीय पारी म्हितूगु खः । थ्व जारी आईपीएलय् शतक तक खः । १ सय ५७ रन दयेकुगुलि १८ ओभरय् क्वचाःगु पञ्जाबया लागि राहुलं १९ गु ओभरय् बलर डेल स्टेनयात २६ रन थ्वाःगु खः।
बैंग्लोरविरुद्ध दकलय् अप्वो रन दयेकुम्ह भारतीय कासामि राहुलं आःतक आईपीएलय् ६९ गु कासा म्हिते धुकुगु दु।
आईपीएलया इतिहासय् छगु हे पारीइ दकलय् अप्वो रन दयेकुम्ह कासामिया कीर्तिमान धाःसा वेस्ट इन्डिजया क्रिस गेलया नामय् दु । गेलं सुपर जाइन्टविरुद्ध या कासाय् दकलय् अप्वो १७५ रन दयेकुगु खः।
Categorized in कासा
