२०८० चैत्र १६, शुक्रबार

कोपा अमेरिका अर्जेन्टिनाय् मजुइगु जुल

कछलागा पञ्चमी ११४१, जेठ १७ सोमबाः

दक्षिण् अमेरिकी फुटबलया दकले तःधंगु फुटबल धेँधेँबल्ला कोपा अमेरिक अर्जेन्टिनाय् नं मजुइगु जूगु दु । दक्षिण अमेरिकी फुटबलया सर्वाेच्च निकाय कन्मेबोलं कोरोन भाइरसया महामारीया कारणं सोमबाः कोपा अमेरिका अर्जेन्टिना मयायेगु न्ह्यथंगु खः । थ्वःयां न्हयः अजेन्टिना व कोलम्बियाय् यायेगु ग्वसाःग्वगु खः । तर कोलम्बियाय् राष्ट्रपतिविरुद्ध ब्वज्या न्ह्यानाच्वंगुलिं ग्वसाःखलकं थ्वयां न्ह्यः हे स्थगित याःगु खः । अर्जेन्टिनाय् आःया अवस्थाय् कोपा अमेरिका जुई मफइगु कन्मेबोलया धापू दु । कोरोना भाइरसया हुनिं अर्जेन्टिनाय् मेमेगु फुटबल गतिविधि तकं स्थगित यानातःगु दु । जुन १३ निसें न्ह्याइगु कोपा अमेरिका कासाय यायेत कन्मेबोलं मेमेगु दयेलिसें सहलह न्ह्याकाच्वंगु धाःगु दु । आः कोपा अमेरिका चिली व अमेरिकामध्ये छथाय् जुइगु सम्भावना दु ।
Categorized in कासा