२०८० चैत्र १६, शुक्रबार

कोपा अमेरिका कपया उपाधि ब्राजिलयात

लहनान्युज | ने.सं.११३९ दिल्लाथ्व षष्ठि (८ जुलाइ, २०१९), सोमवाः

ग्वसाः देय् ब्राजिलं ४६क्वःगु संस्करणया कोपा अमेरिका कप त्याकूगु दु ।
 
 
नेपाःया ईकथं थौं सोमबाः सुथय् जूगु फाइनल कासाय् ब्राजिलं पेरुयात १गूया विरुद्ध ३गू गोलं बुकाः उगु उपाधि त्याकूगु खः ।
 
 
फाइनलय् ब्राजिलं म्हितूगु न्हापांगु हाफया १५गूगु मिनेटय् एभरटनं गोल यासें ब्राजिलयात न्ह्यःने लाकूगु खः । व लिपा कासाया ४४गू मिनेटय् पेरुं गोल यासें कासा बराबरीइ हल । उगु गोल पेरुया पाओलो गुरेरों पेनाल्टीपाखें याःगु खः । तर ब्राजिलं उगु बराबरीयात ताःईतक ल्यंका मतल । न्हापांगु हाफया अतिरिक्त ईया स्वंगूगु मिनेटय् गोल यासें ब्राजिलं न्हापांगु हाफ छगूया विरुद्ध निगू गोलं थःगु पक्षय् लाकल ।
 
 
व लिपा ब्राजिलं स्वंगूगु गोल कासाया अन्तिम इलय् यात । कासाय ९०गूगु मिनेटय् उगु गोल रोचारलीसनं पेनाल्टीपाखें याःगु खः । स्वंगूगु गोल याये न्ह्यः ब्राजिल १०म्ह कासामिइ सीमित जुइमाल । कासाया ७०गूगु मिनेटयु निक्वःखुसी म्हासुगु कार्ड नसें ग्याब्रियल जिससं कासाख्यः त्वःतेमाःगु खः ।
 
 
ब्राजिलं कोपा अमेरिका कप त्याकूगु थ्व ९क्वः खुसी खः ।
Categorized in कासा