कोपा अमेरिका फुटबलय् ब्राजिल व इक्वेडर ज्वंलिंज्व
बछलागा ११४१ चर्तुर्थी, असार १४ सोमबाः
कोपा अमेरिका फुटबलय् ब्राजिलयात इक्वेडरं ज्वलिंज्वलय् लिकंकूगु दु ।
ब्राजिलया गोयानियाय् थौं सुथय् क्वःचागु कासाय् ११गोया ज्वलिंज्वः जूगु खः । कासाया ३८गू मिनेटय् इडर मिलिताओं गोल याना ब्राजिलयात न्ह्यने लाकल । तर ५३गू मिनेटय् हे इक्वेडरया एन्जल मिनां छगोल लिछ्याना कासा ज्वलिंज्वलय् क्वचाःगु खः ।
ज्वलिज्वंलिसें ब्राजिया १० क्वःखुसी त्यागु श्रृंखला त्वादगु दु । तर ब्राजिल कोपा अमेरिकाया पुचः बिया न्हापांगु थासय् लानाच्वंगु दु । प्यंगु कासां ब्राजिलया १०गू ल्या दु ।
उलि हे कासा म्हितुगु पेरुया ७गू ल्या, कोलम्बियाया ४गू व ३गू ल्याःया इक्वेडर नं क्वाटरफाइनलय् दुथ्यागु दु । पुचःया ४गू कासां २गू जक ल्या हःगु भेनेजुएला धाःसा पिहाँवनेमाःगु दु ।
Categorized in कासा