कोप–२६ : सन् २०३० तक वन फडानी नियन्त्रण यायेगुलिइ सहमत
कौलागा द्धादशी ११४१, कार्तिक १६ मंगलवाः
स्कटल्याण्डया ग्लास्गोय् न्ह्यानाच्वंगु जलवायु सम्मेलन कोप–२६ य् दुथ्याःगु सछिगू देय्या नेतातय्सं सन् २०३० तक वन फडानी नियन्त्रण यायेगु सहमति पतिइ ल्हाःतिं तइगु जूगु दु ।
इमिसं थौं वन फडानी मयायेगु सम्बन्धि सहमति पतिइ ल्हाःतिं तइगु जूगु खः । अमेजन जंगल क्षेत्रया तःधंगु ब्वः फडानी जूगु धासें ब्राजिलनापया देशं उगु सहमति पतिइ ल्हाःचिं तयेत्यंगु खः ।
वन फडानी मयायेगु सहमति क्यंगु देय्तय्सं हलिंया ८५गू प्रतिशत मल्याक वनक्षेत्र कःघाः । सहमतियात सम्मेलनया महत्वपूर्ण उपलब्धिया कथं स्वःगु दु । हलिंन्यंकं जंगल फडानी यायेगु झ्वः तच्वःगु अवस्थाय् अमेजनयाा जंगल फडानी जुयाःच्वंगुलिं थुकिं जलवायु परिवर्तनयात तकं लिच्वः लाकीगु ठहर याःगु दु ।
सहमतिइ फडानी जूगु वन क्षेत्रया पुनस्र्थापनाया नितिं थप वित्तीय ग्वहालि अले लगानीया नितिं बचं बीगु जूगु दु । अथेहे २८गू देशं खाद्यान्न उत्पादन, चरी चरन व ब्यापारया नितिं वन फडानी मयायेत सहमत जूगु दु ।
विशेषयानाः पाम, भट्टमास व कोका उत्पादनया नितिं वन फडानी जुयाच्वंगु दु ।
Categorized in अन्तर्राष्ट्रिय
