कोभिड अल्फा भेरिएन्टया तुलनाय् डेल्टा भेरिएन्ट खतरनाक
गुंलागा सप्तमी ११४१, भाद्र १३ आईतवाः
कोभिड अल्फा भेरिएन्टया तुलनाय् डेल्टा भेरिएन्ट खतरनाक जूगु छगू अध्ययनं क्यंगु दु । अल्फाया तुलनाय् डेल्टा भेरियन्टया संक्रमित निगू गुणा अप्वलं अस्पतालय् भर्ना जुइगु याःगु छगू अध्ययन क्यंगु खः ।
बेलायतय् याःगु छगू अध्ययनं आःया अवस्थाय् डेल्टा भेरिएन्ट मेमेगु भेरिएन्टया तुलनाय् खतरनाक जूगु धाःगु खः । बेलायतय् लिपांग्ु ईलय् डेल्टा भेरिएन्टया संक्रमण आपालं न्यंगु दु । जानकारपिनिगु धापू कथं कोभिडया दक्व भेरियन्टया संक्रमणया जोखिम म्हो यायेत कोरोनाविरुद्धया खोप हे महत्वपूर्ण जूगु धाःगु दु ।
मेडिकल पब्लिक हेल्थ इंग्ल्याण्ड व मेडिकल रिसर्च काउन्सीलया नेतृत्वय् जूगु अनुसन्धानय् ४३द्वः सिबें अप्वः संक्रमतिपिनिगु ब्वति दूगु खः । गुकिइ अप्वःधैथें कोरोनाविरुद्धया खोप मकापिं खः ।
बेलायतय् १६दँसिबें च्वयेया थ्यंमथ्यं ८८गू प्रतिशतं कोरोना भाईरसविरुद्धया न्हापांगु खोप कायेधुंकूगु दु धाःसा ७८ प्रतिशतं निगू हे डोज कायेधुंकूगु दु ।