नेपालय् १२ दं च्वय्या दिर्घल्वगितय्त थौंनिसें कोरोनाविरुद्धया फाइजर खोप बियाच्वंगु दु ।

कोभ्याक्स सुविधा कथं अमेरिकां ब्यूगु कोरोना भाइरसविरुद्धया फाइजर खोप थौंनिसें बीत्यंगु खः । मन्त्रालयया कथं थौंनिसें न्ह्याइगु खोप अभियान मंसिर ४ गतेतक्क जुइ । निगूगु मात्राया खोप मंसीर २७ निसें पुस २ गतेतक्क बी ।

१२ दं च्वय्या ८ ताजिया दीर्घल्वय् नुगः, जँलास्येँ, स्वँ, अङ्ग प्रत्यारोपण याःपिं, उच्च रक्तचाप वा चिनी ल्वय्, मस्तिष्क व मस्तिष्क रक्तनली सम्बन्धी ल्वय् दुपिं व रोग प्रतिरोधात्मक शक्ति म्ह्वः जूपिं मनूतय्त खोप बीगु महाशाखां न्ह्यथंगु दु ।

५०द्वः दीर्घल्वगितय्त खोप बीगु धाःगु महाशाखां १८ दं च्वय्या खोप काये त्वःफ्यूपिं दीर्घल्वगितय्त नं मंसिर ५ निसें ७ गतेतक्क कायेमफइगु कथं योजना दयेकागु न्ह्यथंगु दु ।

Categorized in राष्ट्रिय