कोरोना गुलि क्षति उकिया ज्ञान मदु, पुर्वप्रम देउवा
लहनान्युज | बछलाथ्व दशमी ११४०,जेष्ठ ४ आइतवाः
प्रमुख विपक्षी दलया नेता शेरबहादुर देउवां सरकारयात कोरोना भाइरसं (कोभिड(१९) गुलि क्षति याइगु उकिया ज्ञान हे मदु धका टिप्पणी यानादिगु दु ।
सरकारया नीति तथा कार्यक्रमबारे संसदय् थौं छलफलय् ब्बति कयादिसे कांग्रेस सभापति देउवां महामारी नियन्त्रणया पूर्व तयारी यायेत गर्न सरकार चुके जुगु धका धयादिगु दु ।
कोरोनाया कारण सीम्ह मिसा, वया परिवार, कोरोना परिक्षणय् प्रतिक्षाय् च्वपि व प्रकोप अप्वोया वनकि गये जुइ, त्रासय् च्वपि नागरिकपिन्त सरकारं थः अभिभावक खः धइगु अनुभूति याये माःगुलि जोड बिःगु दु ।
‘जिमिगु अपेक्षा सरकारं थज्याःगु नीति विषययात सम्बोधन याइ धका च्वनागु खः । सरकारया कार्यक्रमं स्रोत साधनयन समुचित व्यवस्थापन याना समस्याया उचित समाधान याइ’ धका पूर्वप्रधानमन्त्री देउवा धयादिग दु, ‘तर सरकारया नीति तथा कार्यक्रमं मेगु हे सन्देश बिःगु दु धका धयादिगु दु।
पूर्वप्रधानमन्त्री देउवा, सरकारयात कोभिड १९ न गुलि क्षति याइगु उकिया ज्ञान हे मदु धका धाःगु दु ।
आतक स्वास्थकर्मीपिन्त सुरक्षा उपकरण लगायतया माःगु सामग्री उपलब्धताया प्रत्याभूति मदुगु, विश्वसनिय परिक्षण किटया अभाव दुगु व अस्पतालय् भेन्टिलेटर लगायत मेगु उपचार सामग्रीया आपुर्ति मदुगु धका न्ह्यसः तयादिगु दु, अथहे ‘सरकारं लकडाउनया इलय् छु यानागु दु धका न्ह्यसः तयादिगु दु परिस्थितिया गम्भीरताप्रति सरकार संवेदनशील मजुगु पूर्वप्रधानमन्त्री देउवा आरोप बिःगु दु ।
Categorized in राजनीति
