कोरोना बिराटनगर व धरानय् निम्ह मन्त
लहानान्युज | अनलागा ६ ११४०,असोज २२ बिहीवाः
मोरङया बिराटनगर व सुनसरीया धरानय् कोरोना संक्रमितपि छम्ह छम्ह मदुगु दु।
मोरङया कोरोना संक्रमितम्ह छेँय् मदुगु व धरानया संक्रमितम्हे बीपी कोइराला स्वास्थ्य विज्ञान प्रतिष्ठानय् वासः याकेगु झ्वलय् मदुगु खः।
कोरोना संक्रमण जुइ धुका छेँय् च्वना वासः याकावयाच्वम्ह बिराटनगर महानगरपालिका–५ या ८२ दँ दुम्ह बिहीवाः सुथय् ६ः३० बजेति मदुुगु खः। वयात १९ असोजय् कोरोना संक्रमण खने
दुगु खः। वयात ज्वरो वइगु, सासः ल्हाये थाकुगु लक्षण खनेदुगु खः। परीक्षण लिपा वयात कोरोना पोजेटिभ खनेदुगु खः।
सोमवा बिराटनगर महानगरपालिका–११ पिचराय् च्वम्ह छम्ह मिजंम्ह न कोरोना मदुगु खः । कोरोनानाप मिले जुगु लक्षण खनेदुगुलि स्वाब संकलन याःगु इलय् ८८ दँ दुम्ह सोमवाः चान्हय ११ बजे छेँय् मदुगु खः।
अथेहे बीपी कोइराला स्वास्थ्य विज्ञान प्रतिष्ठानय् वासः याका वयाच्वम्ह सुनसरीे धरान–१० छेँ ३९ दँ दुम्हे बिहीवाः सुथय् मदुगु खः।
असोज १२ गते कोरोना संक्रमण पुष्टि जुइवं कन्ह्य कुन्हु हे अस्पताल भर्ना जुगु खः। बिहीवाः सुथय् ४ः३० बजे हे मदुगु खः।
Categorized in राष्ट्रिय
