कोरोना भाइरस आतक ४६७म्ह डिस्चार्ज जुल
लहनान्युज | तछलागा द्धितीया ११४०,जेठ २५ आइतवाः
नेपालय् थौं आइतवाः तक ४६७म्ह मनूत अस्पतालं डिस्चार्ज जूगु दु ।
वंगु २४ घण्टाया दुने १०२म्ह मनूत अस्पतालं डिस्चार्ज जुइ धुकुगु दु । थौं डिस्चार्ज जूपिं मध्ये सच्छिम्ह मिजं व निम्ह मिसापि खः ।
डिस्चार्ज जूपि धरानया बीपी कोइराला स्वास्थ्य विज्ञान प्रतिष्ठानं झापाया १२म्ह, बाराया कैलाली अस्पतालं बाराया ३४म्ह व येँया बलम्बुइ च्वंगु कोभिड९१९ युनिफाड अस्पतालं महोत्तरीया छम्ह डिस्चार्ज जूगु दु ।
अथेतु बुटवलया कोरोना आइसोलेसन सेन्टरं रुपन्देही व कपिलवस्तुया २७म्ह, दाङया कोरोना विशेष अस्पतालं दाङ, बर्दिया, कपिलवस्तु व बाँकेया १०म्ह व गौरया नर्सिङ इन्सिच्युटपाखें रौतहटया १८म्ह डिस्चार्ज जूगु दु ।
प्रादेशिक रुपं प्रदेश नम्बर १य् ९१म्ह, प्रदेश २लय् १ सय ८६म्ह, बागमति प्रदेशय् ३२म्ह व गण्डकी प्रदेशय् ३म्ह डिस्चार्ज जूगु दु ।
अथेहे प्रदेश नम्बर ५य् ९म्ह, कर्णाली प्रदेशय् १३म्ह व सुदूरपश्चिम प्रदेशय् १३म्ह डिस्चार्ज जूगु दु ।
