कोरोना भारतया अर्थतन्त्रय् बामलाक्क लिच्वः लात
लहनान्युज | ञंलाथ्व १४ ११४०,भाद्र १६ मंगलवाः
भारतीय अर्थतन्त्र इतिहासया हे बांमलागु जुगु दु । कोरोना भाइरस संक्रमणया जोखिम कम यायेत व लकडाउनया कारण उपभोक्ताया खर्च तथा लगानी कटौती जूगुलि सन् २०२० या निगुे त्रैमासय् अर्थतन्त्र गम्भीर प्रभाव लाःगु दु ।
आःतक या तथ्यांक कथं भारतीय अर्थतन्त्र न्हापागु दँ स्वया थुगु दँय् २३.९ प्रतिशत बांमलाःगु दु । भारतं सार्वजनिक याःगु तथ्यांक कथं संसारया न्याःगु तधःगु अर्थतन्त्र अपेक्षा याःगु स्वया बांमलागु दु । कोरोना भाइरसया कारण संसार मेगु देय् स्वया अर्थतन्त्रया तुलनाय् भारतय् यक्को प्रभाव जूगु धका धाःगु दु ।
सार्वजनिक तथ्यांक कथं लगानी न्हापागु दँ स्वाय थुगु दँया जुन तक तुलनाय् ४७ प्रतिशत घटे जूगु दु । जबकि घरायसी उपभोग २७ प्रतिशत घटे जूग दु । सरकारी उपभोग १६ प्रतिशतं बढे जूसा अर्थतन्त्रय् तीव्र गिरावटय् पर्याप्त मजूगु । भारत तीव्र गतिइ विस्तार जूया वनाच्वंगु संसारया दकलय् तधःगु अर्थतन्त्र खः । भारतय् ३६ लाख स्वया अप्वासिते कोभिड–१९पुष्टि जुइ धुकुगु दु । अन कोरोनापाखे सीपि ६५ हजार थ्यःगु दु ।
Categorized in अन्तर्राष्ट्रिय
