२०८० चैत्र १६, शुक्रबार

कोरोना रोकथाम व नियन्त्रणयात न्हापागु प्राथमिकता

नृपेन्द्रलाल श्रेष्ठ | चौलागा एकादशी ११४०, बैसाख ६ शञ्चवाः

सांसद जीवनराम श्रेष्ठं कोरोना रोकथाम व नियन्त्रणयात न्हापागु प्राथमिकता तयेमा धका धयादिगु दु  । 
 
वयकलं आः दकलय् न्हापागु दायित्व धइगु मनू तयेत बचे यायेगु खः । गन गन फु अन अन याःगु बजेट परिचालन याना कोरोना विरुद्धया अभियानय् न्ह्यावने माः धका धयादिगु दु ।
 
‘सरकारं कोरोना नियन्त्रण व रोकथामया लागि थीथी अभियान न्ह्याका वयाच्वंगु दु, थ्व सकारात्मक न खः,’ सांसद श्रेष्ठं, ‘येँ महानगरपालिका दुने थ्व ल्वय् या नियन्त्रण व संक्रमणपाखे महानगरवासीयात बचे यायेत महानगरपालिका सक्रिय रुप वना च्वंगु दु थ्व सकारात्मक ज्या खः धका धयादिगु दु । आ ¥यापिड डाइनोस्टिक टेस्टया अभियान महानगरपालिकया हे नेतृत्वय् जुया च्वंगु दु थ्व ला अभ झन सकारात्मक  ज्या जुया च्वंगु दु, व्यापक रुपं यंकेमा धका धयादिगु दु । ’ 
 
 
येँ महानगरपालिकाया मेयर बिद्यासुन्दर शाक्यं न्हापागु चरणय् ३२ गु वडाय् वना २०७६ फागुन १८ लिपा विदेशय् वना महानगरय् च्वनाच्वपि महानगरय् च्वपिनिगु विवरण संकलन यायेगु, इमिगु अवस्था बुझ्ने थुइकेगु ज्या याना ¥यापिड डाइनोस्टिक टेस्ट न्ह्याका वयाच्वनागुु दु धका धयादिगु दु । 
 
मेयर शाक्यं ‘आ जिमिसं दकलय् न्हापागु प्राथमिकता धइगु विदेश वना लिहा वपि महानगर दुने च्वनाच्वपि व इपि नाप स्वापू दुपिन्त तया तइगु दु ,’ वयकल, ‘कोरोना संक्रमणया आशंका जुपिन्त जि कोरोनामुक्त दु धका ढुक्क जुगु दसिपौ बिइत थुगु टेष्ट न्ह्याकागु खः धक धयादिगु दु । 
 
जनप्रतिनिधि, कर्मचारी लगायतपिनिगु परिक्षण यायेगु तयारी दु धका धयादिसे गन अज्यापि मनूत खन, वा स्वापू दुसा येँ महानगरय् जानकारी बिइत न इनाप यानादिगु दु । 
 
अथेहे बागमती प्रदेशया सांसद राजेश शाक्यं केन्द्र, प्रदेश व स्थानीय सरकारया मंकाः कुतलं कोरोना नियन्त्रण व रोकथामया प्रयास जुया च्वंगु दु धका धयादिसे थुकिया विरुद्धया लडाँईलय् छप्प जुया वनेमाः धका इनाप न यानादिगु दु ।
 
 
Categorized in राजनीति