धनुषाय् कोरोना संक्रमणपाखे छम्ह वडाध्यक्ष मन्त।

धनुषाधाम नगरपालिका ६ या वडाध्यक्ष बन्देबहादुर मोक्तान थौं बिहीवाः जनकपुरया प्रादेशिक अस्पतालया आइसोलेसनय् वासः यायेगु झ्वलय् मन्त।

७० दँ दुम्ह मोक्तान आइसोलेसनय् भर्ना जुगु प्यंन्हु लिपा मदुगु खः। वःगु सोमवाः ज्वरो वयेवं पुष्पवलपुरया स्वास्थ्य क्लिनिकय् वास याःगु खः। शारीरिक अवस्था कमजोर जुया वनेवं मंगलवाः प्रादेशिक अस्पतालमा जूगु खः।

अन स्वाब संकलन यागु इलय् कोरोना संक्रमित खने दुगु व म्हय् अक्सिजन कम जुया वनेवं आइसोलेसनय् तया वासः यायेगु झ्वलय् थौं बिहीवाः मदुगु खः।

पूर्वएमालेपाखे वडा अध्यक्षय् निर्वाचित जुम्ह मोक्तानया शव नेपाली सेनाया टोलीं स्वास्थ्य सुरक्षाया विधि पालनायासे अन्त्येष्टि याःगु खः।

Categorized in राष्ट्रिय