कोरोना संक्रमणं थप १२म्ह मन्त
लहनान्युज | ञंलाथ्व १५ ११४०,भाद्र १७ बुधवाः
वःगु २४ घण्टाय् नोभेल कोरोना भाइरसया संक्रमणपाखे थप १२ म्ह मन्त ।
स्वास्थ्य तथा जनसंख्या मन्त्रालयया प्रवक्ता डा. जागेश्वर गौतमया कथं वःगु २४ घण्टाय् कोरोना संक्रमणपाखे सीपि खुम्ह मिसा व खुम्ह मिजंपि मदुगु दु।
थौं मदुपि चितवनया ५५ व १८ दँदुपि मिसा, येँ ८९ दँ दुम्ह, यलया ७० दँ, तनहुया २०दँ, कपिलवस्तुया ६०दँ दुपि खः।
अथेहे बाराय् ९७ दँ, चितवनया ६५ दँ, ख्वपया ४० दँ, येँया ७० व ७५ दँ व धादिङया ४७ दँ दुम्ह कोरोना संक्रमणं मदुगु खः।
आःतक कोरोना संक्रमणं सीपि २५१ म्ह थ्यःगु दु।
Categorized in राष्ट्रिय
