कोरोना संक्रमण जगु थासय् सेना परिचालन
लहनान्युज | तछलाथ्व अष्टमी ११४०,जेठ १७ शनिवाः
सरकारं विदेशं लिहा वइपि नेपाःमिपिनिगु व्यवस्थापनय् सेना परिचालन यायेगु निर्णय याःगु दु ।
शनिवाःच्वंगु मन्त्रिपरिषद् या बैठकं थज्याःगु निर्णय याःगु धका धाःगु दु । कोरोना संक्रमण अप्वो जुया वःगु थासय् सेना परिचालन तक यायेगु निर्णय याःगु दु ।
सरकारं भारत तथा तेस्रो मुलुकय् च्वना च्वपि २५ द्धः नेपाःमिपिन्त हयेगु निर्णय न याःगु दु । भारत नेपाः वयेगु लागि २० गु नाका तोके याःगु दु ।
शनिवाः हे सुरक्षा परिषद् या बैठकय् विदेशं लिहा वइपिन्त नेपाःमिपिनिगु व्यवस्थापनय् व संक्रमण अप्वो फैले जुगु थासय् सेना परिचालन यायेत सिफारिस याःगु दु ।
