कोरोना सक्रमणं बिदेशय् स्वम्ह नेपाली मन्त
लहनान्युज | ञंलाथ्व १२ ११४०,भाद्र १४ आइतवाः
विश्वव्यापी महामारी कोरोना भाइरस (कोभिड १९)या संक्रमणं विदेशय् थुगु वाःया दुने स्वम्ह नेपाली सीग दु धका गैरआवासीय नेपाली संघ (एनआरएनए) नं धाःगु दु ।
गैरआवासीय नेपाली संघ अन्तर्गतया स्वास्थ्य समितिया कथं थुगु वाःया दुने बेलायतय् छम्ह व युएईलय् निम्ह सीगु दु धका धाःगु दु ।
थ्व नाप कोरोनापाखे विदेशय् सीपि नेपाली तयेगु ल्याः १९५ म्ह थ्यःगु दु ।
आःतक विश्वय् ३८ गु देशय् नेपाली तयेत कोरोना भाइरसपाखे संक्रमित जूगु दु ।
कोरोना भाइरस (कोभिड १९)या संक्रमणं नेपाल बाहेक विदेशय् जक ३४ हजार ७०१ म्हेसित संक्रमण जुइ धुकुगु दु । ३२ हजार ५११म्ह कोरोना संक्रमणपाखे मुक्त जुगु दु धका स्वास्थ्य समितिं धाःगु दु ।
Categorized in अन्तर्राष्ट्रिय
