कोरोना सक्रमण खुम्ह मन्त
लहनान्युज | गुंलागा ८ ११४०, साउन २८ बुधवाः
थौं देय् यकं थीथी अस्पतालय् आः तक खुम्ह कोरोना सङ्क्रमितपि सी धुकुगु दु । थौ यलय् स्वम्ह मोरङ, रुपन्देही व सप्तरीइ छम्ह छम्ह याना खुम्हसिगु ज्यान वःगु दु ।
वःगु चान्ह्य यलया पाटन अस्पताल, किस्ट अस्पताल व मेडिसिटी अस्पतालय् वासः याना वया च्वपि छम्ह छम्हेसिगु ज्यान वःगु खः ।
अथेअे बुटवलय् कोरोना विशेष अस्पताल कपिलवस्तु २ तौलिहवाय् ४२ दँया छम्ह व कपिलवस्तु कृष्णनगरया २५ दँ निम्हेसिगु ज्यान वःगु दु धका अस्पतालया फोकल पर्सन डाक्टरं धाःगु दु ।
सीपि ४२ दँया मिजं खःसा कोरोना पुष्टि जुुगु दु सा २५ दँया मिजंम्हेसिगु रिपोर्ट वये ल्यः दनि धका अस्पतालं धाःगु दु ।
सुनसरीया विपी कोइराला स्वास्थ्य विज्ञान प्रतिष्ठान अस्पताल मोरङे बुढिगंगा गाउँपालिका २ या ५५ दँ दुम्ह मिजंम्ह सीइगु दु । अथेहे सप्तरी डाक्नेश्वरी नगरपालिका वडा नम्बर ६ छातापुर छेँ दुम्ह राजविराज वडा नम्बर ६ य् च्वम्ह छम्ह ८० दँ दुम्ह न सीइगु दु ।
आःतक ४ लाख ६२ हजार ६९८म्हेसिगु पीसीआर परीक्षण याये वः २३ हजार ९४८म्हेसित कोरोना पुष्टि जुइ धुकुगु दु ।
उकि मध्ये १६ हजार ६६४ म्ह वासः याना छेँय् लिहा वने धुकुगु दु सा ७ हजार २०१ म्ह आइसोलेशनय् च्वना च्वंगु दु धका मन्त्रालयं जानकारी बिःगु दु ।
