कोलकत्ता नाइटं राजस्थानयात ३७ रन बुकल
मिलन कुमार | अनलाथ्व १५ ११४०,असोज १५ बिहीवाः
इन्डियन प्रिमियर लिग (आईपीएल) क्रिकेटय् कोलकत्ता नाइट राइडर्स निक्वःगु पटक त्याकूगु दु।
यूएईलय् म्हिगः चान्ह्य जूगु कासाय् कोलकत्तां राजस्थान रोयल्सयात ३७ रन बूकुुगु दु।
कोलकत्तां बिःगु १७५ रनया लक्ष्य राजस्थानं २० ओभरय् ९ विकेटय् १३७ रन जक दयेकेत ताःलागु खः।
राजस्थानया टम करनं ५४ रन, जोस बट्लर २१ रन राहुल टेवाटिया न १४ रन जक दयेकेत ताःलागु खः।
राजस्थान बूकेगु लागि कोलकत्ताया भरुण चक्रवर्ती, शिवम माभी व कमलेस नगरकोटी निगु निगु विकेट काःगु खः।
टस बुया न्हापा ब्याटिङ याःगु कोलकत्तां २० ओभरय् ६ विकेटय् १७४ रन दयेकूगु खः। कोलकत्ताया लागि शुभमन गिल ४७ रन, आन्द्रे रसेल २४, नितेश राना २२, सुनिल नारिन १५ रन व इयान मोर्गन ३४ रनया पारी म्हितूगु खः।
राजस्थानया जोफ्रा आर्चर निगु विकेट, अंकित राजपुत, टम करन, जयदेव उनाकड व राहुल टेवाटिया न छगु छगु विकेट काःगु खः।
Categorized in कासा
