२०८० चैत्र १६, शुक्रबार

क्यानडाय् संसदीय निर्वाचन क्वचाल

ञलाथ्व प्रतिपदा ११४१, असोज ५ मंगलबाः

क्यानाडायय् संसदीय निर्वाचन क्वचाःगु दु । प्रधानमन्त्री जस्टिन ट्रूडों नियमित ई स्वयां निदँ न्ह्यः हे याकादीगु आकस्मिक चुनावय् वय्कःया हे लिबरल पार्टीं धाःसा विपक्षी कञ्जरभेटिभ पार्टीं कडा चुनौती फयेमालीगु खनेदु ।
 
२ क्वःति ७० लख मतदातां ब्वति काःगु चुनावय् लखौं भोट हुलाक व इमेलपाखें नं याःगु दु । स्थानीय ई कथं मंगलबाः चान्हय्तक्कय् चुनावी लिच्वः वइगु अपेक्षा याःगु दु ।
 
कोरोना भाइरस नियन्त्रण अले ब्यवस्थापनय् बांलाक ज्या ज्याःगु विश्वासलिसें तँसा बहुमतया लागिं आह्वान याःगु चुनावया झ्वलय् प्यंगूगु चरणया महामारी न्ह्यानाच्वंगु इलय् चुनाव याकूगु धकाः प्रधानमन्त्री ट्रूडोयात तसकं कुंखिंगु खः ।
 
चुनावय् विपक्षीपाखें कडा टक्कर फयेमाःसां बयस्क मतदातात राजनीतिक स्थिरताया पक्षय् खनेदुगुलिं ४० दँया ट्रूडो हाकनं शक्तिइ लिहांवइगु संभावना दुगु धाःगु दु ।
 
चुनाव प्रचारया झ्वलय् अनिवार्य खोपया विषय तसकं हे चर्चाय् दुगु खःसा स्वास्थ्य क्षेत्रय् लगानी, मस्तय्त सुसाःकुसाः, आवासया विषय चर्चाय् दुगु खः ।
Categorized in अन्तर्राष्ट्रिय