क्रिष्टियानो रोनाल्डाया न्ह्यसःगु गोल
लहनान्युज | कौलागा द्धितिया ११३९ (अक्टुवर १५ २०१९)
विश्वया चर्चित स्टार कासामि क्रिष्टियानो रोनाल्डां थःगु कासाया करिअरय् न्ह्यसःगु गोल पूरा याउगु दु । सोमवाः चान्ह्यः जुगु कासाय् युक्रेन विरुद्ध गोल यासे थःगु करिअरया ९७३ कासाय् न्ह्यसःगु गोल पूरा याउगु खः ।
रोनाल्डां थःगुु देय् या लागि ९५ गोल न पूरा याउगु दु । रोनाल्डां थःगु करिअरय् रेकर्ड तयेत ताः लासा पोर्चुगल युरोकप छनोटय् युक्रेन नाप कासाय् बुगु खः ।
समूह ‘बी’ पाखे पोर्चुगलं सोमवाः युक्रेननाप २—१ गोलं बुगु खः । समूह ‘बी’ पोर्चुगलया खुगु कासाय् स्वगु त्याःगु, निगु कासाय् बराबरी व छगु कासा बुगु दु ।
थुगु समूह ‘बी’ पाखे कासाय् १९ ल्याः कया युक्रेन न्हाप व पोर्चुगल ११ ल्याः नाप ल्यु लाना च्वंगु दु ।
