२०७७ माघ ५, सोमबार

क्रिस गेलं टी–२० क्रिकेटय् १००१ छक्काया कीर्तिमान

लहानान्युज | कौलाथ्व पुन्हि ११४०,कार्तिक १५ शनिवाः

इन्डियन प्रिमियर लिग (आईपीएल)अन्तर्गत म्हिगः शुक्रवाः जुगु कासाय् राजस्थान रोयल्सं न्ह्यगू विकेटं बूगुलि किंग्स इलाभेन पञ्जाबया प्लेअफ यात्रा कमजोर जूगु दु।
 
पञ्जाबया लागि ८ छक्का नाप ९९ रन दयेकूम्ह क्रिस हेनरी गेल धाःसा टी–२० क्रिकेट इतिहासय् मेगु छगु कीर्तिमान दयेकूगु दु। अबुधाबीया शेख जायद रंगशालाय् राजस्थानया विरुद्ध न्ह्यगू छक्का थ्वाना गेल टी–२० इतिहासय् १००० छक्का प्रहार थ्वाम्ह न्हापाम्ह कासामि जूगु खः।
 
४१ दँ दुम्ह जमैकनया नामय् १००१ छक्का दर्ता जूगु दु। उकि मध्ये ३४९ छक्का आईपीएलय् जक थ्वाःगु दु। थ्व आईपीएल इतिहासय् न मेगु कीर्तिमान जूगु दु। गेलं सीपीएलय् १६२, बीपीएलय् १३२ व टी–२० विश्वकपय् ६० छक्का थ्वाये धुकुगु दु।
 
आईएपीएलय् छगू हे कासाय् दकलय् अप्वो रन जोडे यागु कीर्तिमान न वया हे नामय् दु। सन् २०१३ य् गेलं १७ छक्का व १३ चौका नाप ६६ बलय् १७५ रन दय्कूगु खः।
टी–२० गेल लिपा दकलय् अप्वो ६९० छक्का किरोन पोलार्ड व ४८५ छक्का ब्रेनडोन म्याक्लुमं थ्याःगु दु।
Categorized in कासा