सोलुखुम्बुइ करेन्टं ज्वना निम्ह सीगु दु । शुक्रबाः सुथय् सोलुदुधकुण्ड नगरपालिका वडा नं. ८या सेतोमानोय् ट्रकय करेन्ट लाना निम्ह सीगु दुसा निम्ह घाइते जूगु जिल्ला प्रहरी ज्याकू सोलुखुम्बुं न्ह्यथंगु दु।

पोखरा वनाचवंगु ग१क ५१७३ नं. या ट्रकय् दूगु जेबिसी क्रेनं विद्युतया तार थिउबले करेन्टं ज्वंगु खः। उगु करेन्टं ट्रक चालक बाग्लुङ बडिगाड गाँपालिका वडा नम्बर ५ या २६दँया भुमिराज मरासैनी व जेसिबीया चालक २३दँया राम परियार घटनास्थलय् हे सीगु खः।

घटना जूगु सूचं वसेंलि जिल्ला प्रहरी ज्याकू सोलुपाखें प्रहरी नायव उपरीक्षक कवित कटवाया कमाण्डय् टोली घटनास्थलय् थ्यंगु खः । उगु टोलीं घाइते जूपिन्त जिल्ला अस्पताल फाप्लु थ्यंकूगु दु।

राम परियाया तिरि लीला परियार व सहचालक वसन्त पौडेल घाइते जूगु खः । वय्कपिन्त उद्धार याना अस्पताल थ्यंकागु व उमिगु अवस्था खतरामुक्त जूगु डिएसपी कट्वालं धयादिल।

Categorized in अपराध