क्षत्रपाटी चिकित्सालययात स्वगु लख ग्वाहालि
नृपेन्द्रलाल श्रेष्ठ | थिंलाथ्व द्धितिया ११४० (नोभेम्वर २८ २०१९)
क्षत्रपाटी निःशुल्क चिकित्सालययात निगु बेडया ब्यबस्थाया निति चिकित्सालयया न्वकु कुमारदेव मानन्धरपाखे स्वगु लख ग्वाहालि यानादिगु दु ।
चिकित्सालयया न्वकु मानन्धरया मदुम्ह मा कृष्णकुमारी मानन्धर व नरेन्द्र देव मानन्धरया लुमन्ती चिकित्सालय निगु वेड तयेगु लागि चिकित्सालयया अध्यक्ष डा. मनोजमान श्रेष्ठयात स्वगु लाखया चेक लल्हानादिगु खः ।
