खड्गी सेवा समिति १९ वडाया न्हूधाः
नृपेन्द्रलाल श्रेष्ठ | गुंलाथ्व द्धादशी ११३९ (अगष्ट १२ २०१९)
नेपाल खड्गी सेवा समिति १९ वडा कचाया खुक्वःगु तःमुँज्यापाखें युवराज शाहीया नेतृत्वय् झिंछम्हेसिगु ज्यासना पुचःया ल्यज्या जुल ।
वडा समितिया नायः विजय शाहीया सभाध्यक्षताय् न्ह्याःगु उगु ज्याझ्वलय् सेवा समितिया केन्द्रीय संरक्षक मनोज नेवाः खड्गी मूपाहाँ व समितिया केन्द्रीय नायः अञ्जिता खड्गी विशेष
पाहाँकथं झायादीगु खः ।
अथे हे, पाहाँकथं महानगरीय प्रहरी बृत्त जनसेवाया डिएसपी बासुदेव खतिवडालिसेंया थीथी ब्यक्तित्वपिं झायादीगु खः । ज्याझ्वलय् मूपाहाँ मनोज नेवाः नं १९वडा कचाया न्हूपिं पदाधिकारीपिन्त भिन्तुना देछानादिसें नाय्, खड्गी, शाही जातिया उत्थानया नितिं ज्या याय्फय्मा धयादिल ।
नेपाल खड्गी सेवा समितिया न्हय्क्वःगु तःमुँज्या वइगु माघ महिनाय् सिन्धुलीइ जुइत्यंगु हुनिं स्वनिगःलिसें थीथी जिल्लाय् न्हूधाः जुयाच्वंगु दु ।
