खुसिबाया लिच्वः लाःथाय् थथें माःगु व्यवस्था यायेत प्रधानमन्त्रीया उजं
बछलाथ्वः सप्तमी ११४१, असार ३ गते विहीबाः

प्रधानमन्त्री केपी शर्मा ओलीं खुसिबालं लिच्वः लाःथाय् थथें खाद्यन्न, लत्ता कपडा, वासः व त्वनेगु लः व्यवस्था यायेत सम्बद्ध निकायपिन्त उजं बिउगु दु।
बर्षाया कारण ब्वलंगु खुसिबा, चलखं अझ जनधनया क्षति मजुइकेत स्वापू दय्का ज्याः यायेत नं वय्कलं उजं बियादिल । प्रधानमन्त्री ओलीं सरकारं विवपद् न्हः हे सम्भावित जोखिमया आँकलन याना तयारी यानाच्वंगु व वय्कथं ज्या जुयाचवंगु धयादिल ।
प्रधानमन्त्री निवास बालुवाटारय् क्वचाःगु मुँज्याय् प्रधानमन्त्रीं उद्धार व राहत ज्याय् अपांगता जूपिं, ज्याथजिथिपिं, मस्त व मिस्तय्त विशेष कथं ध्यान बिइत नं निर्देशक बियादिल ।
ओलीं तःधंगु ल्यखाय् जनतापिन्त सुरक्षित थासय् यंकेबले उमित कोभिड १९ संक्रमणया जोखिमयात तकं ध्यान बिइमाःगु धयादिल । अथेहे वय्कलं तराइलय् डुबानया सम्भावना जूगु थासय् संयुक्त सिमावर्ती टोलीलिसें खँ ल्हाना थथें माःगु ज्या यायेत व पहाडय् न्हूगु थासय् लँ म्हूइगु डोजर लगेयायेगु ज्या थथें दिकेत नं निर्देशन बियादिल ।
Categorized in राष्ट्रिय