खुसिबुँइ डेंगु बिरुद्ध सचेतना ज्याझ्वः
नृपेन्द्रलाल श्रेष्ठ | ञंलाथ्व षष्ठी ११३९ (सेप्तेवर ४ २०१९)
थौं सुथय् येँ महानगरपालिका १७ वडाया खुसिबुँपाखे डेंगु ल्वय् बिरुद्धया सचेतना ज्याझ्वः न्ह्याकुगु दु ।
थौंकन्ह्य महामारी कथं वया च्वंगु डेंगु ल्वचं खुसिबुँइ जक ७५ म्ह खने दुगु नाप छम्ह सिइ धुकुगु दु धका येँ महानगरपालिका १७ वडा अध्यक्ष नबिन मानन्धरं लहनान्युजयात कनादिगु दु ।
छु दिं न्ह्यः न वडा पाखे खुसिबुँ पाखे वासः ह्वलेगु ज्याः न जुगु खःसा थौं हे छगु सचेतना ज्याझ्वः यासे छेँय् छेँय् वना डेंगु महामारी पाखे गयेयाना बचे जुइगु व ‘ओडोमोस महलम’ न इनेज्या यागु खः ।
थौं जुगु उगु सचेतना ज्याझ्वलय् येँ महानगरपालिका १७ वडा अध्यक्ष नबिन मानन्धर वडा सदस्यपिं बाबुराजा महर्जन व जितेन्द्र खड्गीपिन्स न ब्बति कयादिगु खः ।