खुसिबुँइ हिदान ज्याझ्वः जुल
शोभा श्रेष्ठ | बछलाथ्व एकादशी ११४०
ब्लड डोनर्स एशोसिएसन नेपाल (ब्लोदान) या आह्वानय् येँ महानगरपालिका १७ वडा महिला स्वास्थ्य स्वयम्सेवक परिचालिकाया ग्वसालय् हिदान ज्याझ्वः क्वचाःगु दु ।
थौं खुसिबुइ जूगु हिदान ज्याझ्वलय् ६१म्हेसिनं हिदान याःगु खः ।
लकडाउनया इलय् सकलें छेँय् दुने हे लानाच्वंबलय् हिया अभावं सुयां ज्यान वनीगु परिस्थिती मवयेमा धकाः हिदान ज्याझ्वः यानागु कामपा २४ वडा सदस्य विनोद तुलाधरं धयादिल ।
ज्याझ्वलय् राज्यमन्त्री रामवीर मानन्धरया लिसें नेकपाया केन्द्रीय अले जिफन्टया नायः बिनोद श्रेष्ठ, ब्लोदानया केन्द्रिय दुजःलिसें २४ वडा सदस्य बिनोद तुलाधरया नं उपस्थिती दुगु खः ।
लिसें ब्लोदान येँ जिल्ला सचिव अनिल रत्न तुलाधर, क्षेत्रपाटी चिकित्सालयया संचालक सदस्यद्वय सुचेन्द्र माली, सुमन मानन्धरया लिसें ब्लोदान मध्य क्षेत्रया दुजःपिं, स्थानिय संघसंस्थाया प्रतिनिधित, स्थानीय बासिन्दातय् नं उपस्थिति दुगु खः ।
Categorized in राष्ट्रिय
