खोप केन्द्र क्वजिइत दक्वः वडायात महानगरया पत्राचार
लहनान्यूज | कछलागा दशमी ११४१,जेष्ठ २२ सनिवाः
येँ महानगरपालिकां वइगु जेठ २५ गतेनिसें ६०दँ निसें ६४दँ दुपिन्त कोभिड १९ विरुद्धया खोप अभियान न्ह्याकेत खोप केन्द्रया नां व थाय् क्वजिना हयेत वडा खोप समितियात पत्राचार याःगु दु ।
स्वास्थ्य तथा जनसंख्या मन्त्रालयं जेठ१८ गतेया निर्णया लिधंसाय् जिल्ला जनस्वास्थ्य ज्याकू व यँे महानगरपालिकाया शहरी स्वास्थ्य तथा खाद्य पदार्थ नियमन विभागं दक्व वडाय् छगू÷छगू खोप केन्द्र न्ह्याकेगु निर्णया याःगु दु ।
उगु हे निर्णय कथं वडाय् खोप केन्द्र निस्वनेत पत्राचार याःगु खः । उगु उमेर समूहया मनुपिन्त चिनियाँ खोप भेरोसेलया न्हापांगु मात्रा बिइगु जुई । सरकारं खोप ज्याझ्वः अन्तर्गत न्हापांखुसी महामारी कजय् कायेया नितिं न्ह्यलुवा कथं ज्या याइपिं, वयाँलिपाः ६५दँयसिबें च्वय्पिन्त व स्वंगुगु झ्वलय् १८दँनिसें ५९दँ दुपिन्त खोप अभियान न्ह्याकूगु खः ।
लिपांगु पटक चीनं बिउगु झिगू लखः डोज खोप बिइत्यंगु खः ।
