ख्वपय् छम्हेसित कोरोना सक्रमण
लहनान्युज | तछलाथ्व एकादशी ११४०,जेठ २० मंगलवाः
ख्वपया चाँगुनारायण नगरपालिकाय् च्वम्ह कोराना भाइरस (कोभिड–१९) संक्रमित मिसा प्वाःथय् दुम्ह मिसा सि दुगु दु ।
स्वास्थ्य तथा जनसंख्या मन्त्रालयं थःगु नियमित प्रेस ब्रिफिङय् चाँगुनारायण नगरपालिकाया ३० दँयाम्ह मिसा कोरोना संक्रमण पुष्टि जुगु धका धाःगु दु ।
संक्रमित मिसा वडा नं ३ याम्ह स्थायी बासिन्दा धका धाःगु दु ।
उम्ह मिसा नियमित स्वास्थ्य जाँचया लागि सिनामंगलया काठमाडौं मेडिकल कलेजय् याना वयाच्वंगु खः । लिपागु ई वैशाख २२, जेठ ५, ६ व १६ गते अस्पताल वःगु खः ।
चिकित्सकपिन्स प्रसूतिया लागि असार १९ गते ई बियातःगु खः । वयात १६ गते कोभिड परीक्षणया लागि स्बाव बिःगु खः ।
वयात अस्पताल वयेगु वनेगु झ्वलय् हे कोरोना संक्रमण जुगु धका धाःगु दु ।
