गणेशमान सिंह मेमोरियल हस्पिटलं यलया जनप्रतिनिधि हन
नृपेन्द्रलाल श्रेष्ठ | ञंलाथ्व पारु ११३७ (अगष्ट २२ २०१७)
नेपाली काँग्रेसया वरिष्ठ नेता रामचन्द्र पौडेलं राजनीति नापं पार्टीप्रति बांलाःगु व भिंगु आस्था दयेकेत राजनीतिकर्मी तयेसं बांलाःगु व्यवहार यायेमाः धकाःधयादिगु दु ।
गणेशमान सिंह मेमोरियल हस्पिटल एण्ड रिसर्च सेन्टरय् थौं येँय् ग्वसाःग्वःगु छगु ज्याझ्वलय् स्थानीय निकायलय् निर्वाचित जुपिं जनप्रतिनिधि तयेत भिंतुना नाप हना ज्याझ्वलय् काँग्रेसया वरिष्ठ नेता पौडेलंं थथे धयादिगु खः ।
वय्कलं भ्रष्टाचारया कारणं समाजय् विकृति ब्वलनाच्वंगु व राजनीतिक क्षेत्रय् तकं अस्थिरता जुगु धकाः नं धयादिगु खः । वय्कलं देय् हे रोजगारी, शिक्षा व स्वास्थ्यया विकास याये हथाय् जुगु नं धयादिगु खः । ज्याझ्वलय् स्थानीय जनप्रतिनिधि तयेसं स्वतन्त्र रुपं ज्या यायेमाःगुलिइ नं बः बियादिगु खः ।
उगु ज्याझ्वलय् मूपाहाँ नेपाली काँग्रेसया वरिष्ठ नेता पौडेलं नवनिर्र्वािचत स्थानीय निकायया पदाधिकारी यल महानगरपालिकाया मेयर चिरीबाबु महर्जन व उपमेयर गीता सत्याललिसें जनप्रतिनिधिपिंनाप यल वडा ल्याः १ निसें २९ तकया वडाध्यक्षपिन्त हना पौ लःल्हानाः सम्मान यानादीगु खः । उगु ज्याझ्वलय् विशेष पाहाँ कथं सिद्धिलाल सिंहया न उपस्थिति दुगु खः ।
