गण्डकीइ थप २५म्हेसित कोरोना संक्रमण
लहनान्युज | दिल्लागा द्धादशी ११४०,श्रावण २ शुक्रवाः
गण्डकी प्रदेशय् २५म्हेसित कोरोना भाइरस (कोभिड(१९) या संक्रमित जूगु दु ।
क्षयरोग केन्द्र पोखरा व प्रदेश जनस्वास्थ्य प्रयोगशाला हेटौंडाय् याःगु परीक्षणय् थप २५म्हेसित कोरोना संक्रमण पुष्टि जूगु दु ।
थ्व नाप गण्डकीइ संक्रमितपिनिगु ल्याः १२५६म्ह थ्यःगु दु ।
गण्डकी प्रदेशय् स्वास्थ्य निर्देशनालयया कथं संक्रमितपि मध्ये नवलपरासी पूर्वया गैंडाकोट नगरपालिकाया १८म्ह मिजं व तनहुया व्यासया स्वम्ह, म्याग्दे व भानु च्वपि निम्ह निम्ह याना न्ह्यम्हेसित पुष्टि जूगु खः ।
