२०८० चैत्र १६, शुक्रबार

गण्डकी प्यगू जिल्लाय् २५म्ह संक्रमित

लहनान्युज | दिल्लाथ्व पंचमी ११४०,असार १२ शुक्रवाः

गण्डकी प्रदेशय् प्यगू जिल्लाय् थप २५म्ह कोरोना भाइरस संक्रमण पुष्टि जूगु दु ।
 
नवलपुरय् २१म्ह, तनहुँइ निम्ह, बाग्लुङ व स्याङ्जाय् छम्ह छम्हेसित कोरोना संक्रमण पुष्टि जूगु दु । थ्व नाप गण्डकी प्रदेशमा कोरोना संक्रमण पुष्टि जूपि आः ७९२म्ह थ्यःगु दु ।
 
गण्डकी प्रदेशय् कोरोना संक्रमणया वासः याका गुम्ह डिस्चार्ज जूगु दु । गोरखाया गण्डकी गाउँपालिकाया न्याम्ह मिजं व गोरखा नगरपालिकाया स्वम्ह मिसा डिस्चार्ज जूगु दु ।
 
थ्व नाप गण्डकी प्रदेशय् कोरोना संक्रमण मुक्त जूपिनिगु ल्याः १०१म्ह थ्यःगु दु धका गण्डकी प्रदेशया कोरोना नियन्त्रण तथा रोकथाम कार्यक्रमया निर्देशक डा. विनोद विन्दु शर्मां जानकारी बियादिगु दु ।
 
Categorized in राष्ट्रिय