गुथि विधेयक विरुद्ध ¥यालीइ
नृपेन्द्रलाल श्रेष्ठ | तछलाथ्व त्रयोदशी ११३९ (जुन १५ २०१९)
गुथि विधेयक विरुद्ध थौं सुथय् ज्यापु महागुथि नेपाःया आह्वानय् द्वलंद्वः नेवाःतय् सतकय् कुहां वःगु दु ।
थौं या ज्याझ्वलय् ज्यापु महागुथिया आह्वानय् सुथय् जुद्ध शालिकं बसन्तपुरं न्ह्याःगु उगु जुलुसय् झिद्वलं मल्याक नेवाःतय् ब्बति काःगु खः ।
उगु ¥यालीइ कुमारी चाःहिलीगु रुटय् चाःहिगु खः । थौंया विरोध ¥यालीइ गुथि विधेयक खारेज याः, नेवाः संस्कृति न्हंके दइमखु, भूमाफिया होशियार, नेवाः एकता जिन्दावाद, त्वाः त्वालं नेवाःत फुक्कं कुहां वयेमाल धयागु नारा थ्वयेकाः खः ।
नेवाः न्ह्यलुवाः नेवाः कार्यकर्तात नाप येँया थीथी परम्परागत ज्यापु त्वाःया गुथियारपिंनगु सहभागीता दुगु खः ।
अथेहे थौंया विरोध ¥यालीइ गुथि विधेयक खारेज यायेमाःगु माग यासें सोमवाः माइतीघर मण्डलाय् सुथय् ११ बजे मुनेत आह्वान न याःगु खः ।
Categorized in राष्ट्रिय