गैंडा तस्करीया द्वपनय् चितवन राष्ट्रिय निकुञ्जं ८म्हसित ज्वन
ञंलागा नवमी ११४१, असोज १३ बुधवाः
चितवन राष्ट्रिय निकुञ्जं गैँडा तस्करीया द्वपनय् ८म्हसित ज्वंगु दु । निकुञ्ज ज्याकु कसराय् पत्रकार सम्मेलन याना उमित म्हिगः सार्वजनिक याःगु खः ।
ज्वंपिंलय् नवलपुरया गोपाल सारु, धादिङया रामकुमार श्रेष्ठ, मकवानपुरया जयबहादुर प्रजा, मकवानपुरया हे सिंहराम प्रजा जूगु निकुञ्जया प्रमुख संरक्षण अधिकृत अणनाथ बरालं जानकारी बियादील ।
थ्वलिसें गैँडा स्यागु द्वपनय् करण प्रजा,सुरेश प्रजा व सरोज मोक्तानयात नं ज्वंगु दु । सार्वजनिक जूपिं ८ म्हसिनं ४म्ह गैँडा तस्करी याःगु द्वपं लाःगु दु । उगु हे घटनाया मेपिं ९ म्ह आरोपित अझं बिस्य्ुंवनाच्वंगु दु ।
चालु आर्थिक दँय् गैँडा मुद्दाया जक १४म्ह आरोपितयेत ज्वनेधुंकुगु दु । थ्वयान्ह्यःया आर्थिक दँय् निकुञ्जं २८म्हसित ज्वनेत ताःलाःगु खः ।
Categorized in अपराध
