२०८० चैत्र १६, शुक्रबार

गैरसांसद ७म्ह मन्त्रीयात ज्याः मयाकेत सर्वोच्चया अन्तरिम आदेश

कछलाथ्व नवमी ११४१,जेष्ठ ७ शुक्रवाः

सर्वोच्च अदालतं प्रधानमन्त्री केपी शर्मा ओलीं ७म्ह गैरसासंदपिन्त मन्त्री दयेकूगु, असंवैधानिक ठहर याःगु दु ।

प्रधानन्यायाधीश चोलेन्द्र शमशेर राणाया एकल इजलासं इमित मन्त्री पदय् च्वनेमदइगु धागु खः । अधिवक्ता विराज थापा दर्ता याकूगु रिटय् सुनुवाई यानाः प्रधानन्यायाधीस राणां ७ मन्त्रीतय्त ज्या याकेमबीत अन्तरिम आदेश जारी यानाब्यूगु खः ।

प्रधानमन्त्री ओलीं गैरसांसदपिन्त हाकन मन्त्रीपदय् नियुक्त यायेगु संविधानया मर्म व भावना अःखः जूगु सर्वोच्चया ठहर दु । थ्वनाप प्रधानमन्त्री ओलीं नियुक्त याःपिं गृहमन्त्री राम बहादुर थापा, ऊर्जा मन्त्री टोपबहादुर रायमाझी, श्रम मन्त्री गौरीशंकर चौधरी, उद्योगमन्त्री लेखराज भट्ट, खानेपानी मन्त्री मणि थापा, शहरी विकास मन्त्री प्रभु साह, खेलकुद मन्त्री दावा लामा पदमुक्त जूगु दु ।

प्रधानमन्त्री ओलीं वंगु वैशाख २१ गते इमित मन्त्री यानाब्यूगु खः । 

Categorized in राजनीति