२०७९ आषाढ १४, मंगलबार

गोदामय् मिं नया ५म्ह सीत

सिल्लाथ्व दशमी ११४२, माघ २८ शुक्रवाः

दाङय् छगू लाका गोदामय ्वंगु चान्हय् मिं नःबलय् ५म्ह सीगु दु ।

तुलसीपुर उपमहानगरपालिका ५ ‘ङ’ लाईनय् दूगु ईरम फुटवेयरया गोदामय् मिं नःबलय् उगु हे छेँय् द्ययनाच्वंपिं ५म्ह सासः ल्हायेगुलिइ थाकुया सीगु खः ।

दाङया प्रहरी नायब उपरीक्षक श्यामु अर्यालया कथं सीपिंलय् छम्ह मिसा मचा, निम्ह किशोर व २ म्ह प्रौढ मिजं दु । सीपिंलय् ५५दँया अविदिन अलि, १३ दँया सजिता खातुन, १४ दँया हसन बकस, १५ दँया हे मसिन बकस व ४०दँया नजरदिन अलि दु ।

मिं नःगुपाखें ४तजाया छेँ तकं नष्ट जूगु दुसा मिं नःगु सुथय् जक नियन्त्रणय् काःगु दु । मिं नःगु नियन्त्रणया नितिं नेपाली सेना, सशस्त्र प्रहरी, नेपाल प्रहरी व स्थानीय खटे जूगु खःसा तुलसीपुर व घोराही उपमहानगरपालिकाया दमकल नं परिचालन याःगु खः । विद्युतया मिटर मुया मिं तःगु प्रहरीं न्ह्यथंगु दु ।

Categorized in अपराध