गोरखाय् थप १४म्ह प्रहरीयात कोरोना पुष्टि
लहानान्युज | अनलागा ७ ११४०,असोज २३ शुक्रवाः
जिल्ला प्रहरी कार्यालय गोरखाय् ज्यायाइपि थप १४ म्ह प्रहरीयात कोरोना संक्रमण पुष्टि जूगु दु।
असोज २० गते नमुना संकलन यागु परिक्षणय् १४ म्ह प्रहरी व भारत वःपि होम क्वारेन्टाइनय् च्वम्ह २२ दँ दुम्ह मिसायात रिपोर्ट थौं शुक्रवाः पोजिटिभ वःगु धका गोरखा नगरपालिकाया स्वास्थ्य शाखा प्रमुखं धाःगु दु।
वःगु सोमवाः गोरखा नगरपालिका–११ य् बाह्रकिलो प्रहरी चौकीइ ज्यायाइपि च्याम्ह प्रहरी व जिल्ला प्रहरी कार्यालयय् ज्या याइपि छम्हयाना गुम्ह प्रहरीयात कारोना संक्रमण पुष्टि जूगु खः।
सोमवाः संक्रमण पुष्टि जुइवं कन्ट्याक्ट ट्रेसिङय् मेपि थप १४ म्ह प्रहरीयात थौं शुक्रवाः संक्रमण पुष्टि जुगु खः।
Categorized in राष्ट्रिय
