२०८० चैत्र १५, बिहिबार

घरेलु अय्ला त्वना प्यम्ह सीत

दिल्लाथ्व एकादशी ११४१,साउन ५ मंगलवाः

बागलुङया गलकोटय् घरेलु अय्लाः त्वनाः ४म्ह मनूत मन्त । गलकोट नगरपालिका वडा नम्बर ७ गैराखर्कय् घरेलु अय्लाः त्वनाः मदुपिं प्यम्हं मजदुरत खः ।
 
मदुपिं मध्ये रोल्पाया सुनिल स्मृति गाउँपालिकाया २१दँ दुम्ह दिपेन्द्र पुन, ३९दँया दूधबहादुर राना, ५१दँया रेख बहादुर राना अले ३०दँदुम्ह प्रविण घर्ती खः । इपिं मदयेधुंकूगु जिल्ला प्रहरी ज्याकू बागलुङया सूचना अधिकारी इकवाल हजारीं धयादीगु दु ।
 
इमिसं गलकोट बृहत खानेपानी आयोजनाय् ज्या यानाच्वंगु खः । अथेहे रोल्पाया सुनिल स्मृति गाउँपालिका गजुलया ३८दँया खेमराज घर्ती अले २६दँया रबिन्द्र पुनया अवस्था तच्वः ।
 
अय्लाः त्वनाः बिरामी जूपिं प्यम्हेसितं वासः याकेत धौलागिरि अस्पताल हयाच्वंगु ईलय् लँय् हे सीगु खःसा निम्हेसित वासः याकाच्वंगु अवस्थाय् मदुगु पुष्टि याःगु दु ।
 
अय्लाः त्वनाः इमिगु जलास्येँय् स्यंगु अस्पतालया मेडिकल सुपरिटेण्डेन्ट डा.शैलेन्द्र पोखरेलं जानकारी बियादिल । अय्लाः म्यूम्ह होटल सञ्चालकयात प्रहरीं नियन्त्रणय् कयाः अनुसन्धान प्रक्रिया न्ह्याकूगु दु ।
Categorized in अपराध