घानाया पूर्व स्ट्राइकर अगोगो मन्त
लहना न्यूज | ने.सं. ११३९ गुंलागा सप्तमि (२२ अगष्ट, २०१९), विहिवाः
घानाया पूर्व स्ट्राइकर जुनियर अगोगो मन्त ।
सन् २०१५य् फुटबलपाखें सन्यास कयादीम्ह अगोगो ४०दँया उमेरय् मदुगु खः । ताः ईनिसें जँया समस्यापाखें पीडित जुयाच्वंम्ह अगोगो थौं विहिवाः सुथय् लण्डनय् मदुगु बिबिसीं न्ह्यथंगु दु ।
इंग्लिस क्बल नटिङ्घम फरेष्ट व ब्रिस्टोल रोभर्सपाखें फुटबल म्हितादीधुंकूम्ह अगोगो घानाया बांलाम्ह स्ट्राइकर खः । वय्कलं थःगु देसया नितिं म्हो हे जक कासा म्हितूसां नं ‘स्टार कासामि’कथं लोकंह्वाः ।
अगोगों थःगु देसपाखें २७गू कासा म्हितूसें १२गू गोल यानादीगु खः ।
Categorized in कासा
