२०७७ माघ १२, सोमबार

घुस काःगु आरोपय् निम्ह प्रहरीयात मुद्दा दायर

लहानान्युज | कछलाथ्व पुन्हि ११४१, मंसिर १५ सोमवाः

अख्तियार दुरूपयोग अनुसन्धान आयोगं घुस काःगु आरोपय् बाँकेया खुर्दया इलाका प्रहरी कार्यालय खजुराय् ज्यायाइपि प्रहरी नायव निरीक्षक (सई) लुद्रबहादुर केसी व प्रहरी हवल्दार राजेशबहादुर द्वाल विरुद्ध विशेष अदालत येँ मुद्दा दायर याःगु दु।
 
सई केसी व प्रहरी हवल्दार राजेशं चिरान मिल व अप्पा भट्टाय् अँ प्रजातिया सिँ यकेत सहजीकरण याना बिइत १३ हजार रुपैयाँ घुस काःगुलि सोमवाः मुद्दा दायर याःगु दु धका आयोगया प्रवक्ता तारानाथ अधिकारीं जानकारी बिःगु दु।
 
अनुसन्धानया झ्वलय् सई केसी व हवल्दार राजेशं निजी जग्गाय् च्वंगु अँ जातया सिँ चिरान मिल व अप्पा भट्टाय् यकेगु लागि सहजीकरण यानाबिइ धका सेवाग्राहीनाप उगु घुस काःगु खनेदुगुलि आरोप पत्र दायर यानागु धका प्रवक्ता अधिकारीं धाःगु खः।
Categorized in अपराध