२०८० जेठ २६, शुक्रबार

चरेश कारोबारीपिन्त ज्वन

ञलाथ्व द्वादशी ११४१, असोज ६ बुधबाः

हस्तकलाया ज्वलं दुने लागु वासः चरेश तया ओसारपसार यानावःपिं  ९म्हसित लागुऔषध नियन्त्रण ब्युरों ज्वंगु दु  ।
 
नेपाल प्रहरीया  लागू औषध नियन्त्रण ब्यूरो म्हिगः येँय् पत्रकार सम्मेलन याना हस्तकलाया ज्वलं दुने चरेश तया ओसारपसार यानावःपिं म्याग्दीया श्यामप्रसाद रोका, बीरबहादुर रोका, दिलबहादुर रोका, धादिङया अनिलबहादुर घले, सुनबहादुर गुरुङ, याङकी धाइम्ह जितबहादुर तामाङ, माईला धाइम्ह कृष्णबहादुर तामाङ, नुवाकोटया सेसे धाइम्ह उर्पा तामाङ व बीरबहादुर तामाङयात सार्वजनिक याःगु खः  ।
 
उमिगुपाखें कतार छ्वयेत हस्तकलाया ज्वलंनय् प्याक यानातःगु ७ गू केजी ६सः व १४गू ग्राम चरेश लूगु नं व्यूरोया प्रमुख एसएसपी हृदय थापां जानकारी बियादील । ल्हातं दयेकुगु भ्वँया डायरीइ चरेश सुचुका कतार लिसेंया देशय् उगु गिरोहं छ्वयेगु याःगु लूगु व्यूरों न्ह्यथंगु दु ।
 
थ्वयान्ह्यः उमिसं थुकथं हे अचारया भाँडाय् तकं चरेश तया भारत जुया हङकङ, थाईल्याण्ड, टर्की लिसेंया देशय् लागू वासः ओसार पसार यानावःगु नं अनुसन्धानया झ्वलय् सीदूगु एसएसपी थापां धयादील ।
 
ज्वंपिं उमित नियन्त्रणय् कया कारबाही प्रक्रिया न्ह्यागु नं प्रहरीं न्ह्यथंगु दु । 
Categorized in अपराध