चलचित्र पत्रकार संघय् दिनेश सिटौला
लहनान्युज | चिल्लाथ्व अष्टमी ११४०
चलचित्र पत्रकार संघ नेपालया जुगु दँमुन्ज्यां न्हूम्ह नायः कथं दिनेश सिटौलायात ल्यःगु दु ।
न्हापा हिरारत्न हल दुथाय् चायेकुगु बेस्ट भेन्यु कालोपुलय् जुगु च्याक्वःगु महाअधिवेशनया वरिष्ठ पत्रकार विजयरत्न तुलाधर असंबरें त्वाःदेवाय् मत च्याका उलेज्या याना दिगुखः ।
उलेज्या झ्वलय् चलचित्र बिकास बोर्डया दुजः दयाराम दाहाल, नेपाल पत्रकार महासंघया प्रतिनिधि राधेश्याम दाहाल, चलचित्र पत्रकार संघया पुलांम्ह नायः विदुर गिरीपिन्स भिन्तुना न्वचु तया दीगु खः ।
संघया नायः सन्दिप सापकोटाया सभाधक्ष्यताय् उगु ज्याझ्वः जुगु खः ।
चलचित्र पत्रकार संघया ज्यासना पुचःया ल्यज्या
उगु साधारण सभां अध्यक्षय् दिनेश सिटौलायात ल्यःगु दु । अथेहे,उपाध्यक्ष जीवन पराजुली, दिपज्योति थापा व कुबेर डंगोल, महासचिव समिर बलामी, सचिव रघुनाथ सापकोटा, कोषाध्यक्ष प्रदिप कार्की, विनोद पोखरेलयात ल्यःगु दु ।
नाप दुजलय् मनिष दाहाल, नविन गिरी, स्मृति पोखरेल, सुरक्षा भट्टराई, आशिष गणेश बेलि, मिलन ढुंगाना,गोपिकृष्ण चापागाई व दिपक गुरुङ यात ल्यःगु दु ।
